Општина Виница е партнер во реализацијата на проектот „Обезбедување на пристојни услови за домување за Ромите во општина Виница – СДХ“. Во рамките на активностите на овој проект општината беше посетена од страна на претставници од Здружението за поддршка на маргинализирани заедници – Ромски Ресурсен Центар (РРЦ) која е невладина и непрофитна организација која работи на унапредување на квалитетот ...

Градоначалникот Миле Петков денес го посети Дневниот центар за лица со ментална и телесна попреченост во Виница, чие што функционирање е многу важно за вклучувањето и активно учество на овие лицата со попреченост во општеството.

На вчерашната седница на Советот на општина Виница беа донесени Буџетот и Програмата за уредување на градежно земјиште, улици и патишта за 2022 година. Буџетот на општина Виница за 2022 година е планиран на износ од 314.700.000 денари од кои 105.600.000 денари или 33,55% се однесуваат на основниот буџет, додека пак капиталните расходи се планирани во вкупен износ од 39.205.000 денари.

Голема чест е да се доделат благодарници и вредносни ваучери за младите кик-боксери и каратисти од општина Виница. Младите кик-боксери Иле Леков, Лука Змејковски, Анастасија Андонова и Ангелина Стојковска беа вистински репрезенти на Виница за 2021 година на спортски план, постигнувајќи врвни резултати во кикбоксот и освојувајќи многу пехари и медали.

Одличните резултати и делбата на првото место во Втората македонска фудбалска лига Исток беа повод за вчерашната средба на Градоначалникот со играчите, стручниот штаб и управата на ФК Слога 1934 Виница.

Минатата недела од Министерството за животна средина и просторно планирање Градоначалникот Миле Петков доби одговор за претходен негов допис до нив, за тоа кога ќе биде дислоцирана депонијата кај с. Лески.

Паднати дрвја, одрони, затворен пат, оштетени и уништени автомобили е она што денес на лице место го видов на две локации во градот и една во с.Градец.

Вчера, во рамките на имплементацијата на програмата РОМАКТЕД Фаза II, заедничка иницијатива на Европската комисија и Советот на Европа, потпишав Меморандум за соработка помеѓу Програмската канцеларија на Советот на Европа во Скопје, Министерството за труд и социјална политика и Општина Виница.

Во тек се градежните активности на улиците "Кирил и Методиј" и "Никола Карев". Овие две улици кои беа во лоша состојба ќе добијат нов слој асфалт. За нивна реконструкција во вкупна должина 430 метри одвоени се 2.822.638 денари(без ДДВ) од буџетот на општина Виница.

Општина Виница ја поддржува и се вклучува во националната кампања „СТОП на домашното насилство – Биди храбра!“ со цел јакнење на свеста на граѓаните за борба против насилството на жените. Кампањата е покрената на иницијатива на Билјана Ангелова, сопруга на бугарскиот Амбасадор во Република Македонија, а поддржана од г-ѓа Елизабета Ѓоргиевска, сопруга на Претседателот на Република Македонија. ...

Триумф во Прилеп против двократниот шампион на Македонија, два пати вице-шампион, еднаш освојувач на Купот на Македонија и десет пати учесник во европските купови под капата на УЕФА, ФК Победа, е огромен успех за ФК „Слога 1934‘‘ - Виница!

На 3-ти Декември - Меѓународниот ден на лицата со посебни потреби, остварена е средба со преставници на Центарот за поддршка на лица со интелектуална попреченост „ПОРАКА“ - Виница и Градоначалникот на Општина Виница Миле Петков. На оваа средбата е разговарано за нивното работење, предизвиците и проблемите со кои се соочуваат.

Градоначалникот Миле Петков за посетата во Куманово изјави: „Работиме на исполнување на предизборните ветувања, денес го посетив Простор ДОО Куманово, фирмата која работи на најголем дел од урбанистичките планови. Силно ќе работиме да ги донесеме сите урбанистички планови за градот и за населените места, како основа за развој на општината“.

Денес беше одржан состанок со координативното тело за зимско одржување на патишта на кој беа презентирани и разгледани оперативната програма за одржување на патишта на Македонија пат и програмата за зимско одржување на ЈП Солидарност. На состанокот присуствуваа преставници од Локалната самоуправа, МВР, ЈП Солидарност и државниот инспектор за патишта..

Денес започнаа градежните активности на улица во населба Градец во должина од 541 м. Вредноста на овој инфраструктурен проект изнесува 3 000 000 денари, средствата се во целост обезбедени од буџетот на Општина Виница.

Одговор на јавниот повик упатен до мене во врска со депонијата во близина на с.Лески. Почитувани граѓани на Кочани кои го испративте јавниот повик, почитувани сограѓани на општина Виница, најпрво да Ве известам дека конечно ја пронајдовме Одлуката за начинот на работа и постапување со постојните локации за отстранување на отпад и определување на временските локации за отстранување на отпад до ...

Денес завршуваат градежните активности на Градечка река, во иднина планираме продолжување на регулација на коритото на истата. Овие денови градежните активности ќе се префрлат на улиците Кирил и Методиј и Никола Карев кои ќе се асфалтираат, воедно и ќе се санираат ударните дупки во градот и населените места.

Учениците од Виница организираа младинска акција, поддржана од Општина Виница и Проектот на УСАИД за меѓуетничка интеграција на младите во образованието, имплементиран од Македонскиот центар за граѓанско образование (МЦГО) во соработка со Младински образовен форум.

Денес заедно со В.Д. директор на ЈП „Солидарност“ – Ѓорче Николов извршив увид на работата на Филтер станицата во Општина Виница, односно на фабриката за преработка на вода, како и на градежните активности за проширување на нејзиниот капацитет.

На втората седница на совет на Општина Виница се опфатија повеќе точки од кои најзначајна е 3-та точка која се однесува за кварталните извештаи на Буџетот на Општина Виница за период од 01.01.2021-30.09.2021 по која едногласно се гласаше со 15 гласа „ЗА“.