МФФ „Истибањско здравоживо“, започна
Меѓународниот фолклорен фестивал „Истибањско здравоживо“ официјално започна. 38 - то издание на МФФ „Истибањско здравоживо“, започна со традиционалното големо оро на сите учесници на фестивалот, по кое учесниците продолжија со дефиле низ с.Истибања и претставување на секоја група. Уметнучкиот директор на Фолклорниот ансамбл „КИТКА“, Стојко Митковски му ја довери честа за отварање на фестивалот на градоначалникот на Општина Виница Миле Петков. Организатор на фестивалот е Фолклорниот ансамбл „КИТКА“, додека главни покровители се Општина Виница и Министерството за култура.