Градоначалникот на Општина Виница Миле Петков денес го потпиша Договорот за меѓуопштинска соработка за изработка на платформа за дигитализација на општинските услуги.
Дигитализацијата е процес кој го поедноставува животот и им дава можност на луѓето да го менуваат општеството и секојдневните животни навики. Со потпишување на Договорот за меѓуопштинска соработка, се заокружува процесот на изработка на платформата за дигитализација на општинските услуги во Источниот плански регион. Благодарение на UNDP MK и Бирото за регионален развој, физичките и правните лица од Источниот регион ќе можат електронски да поднесуваат барања за околу дваесетина општински услуги. Носител на проектот е Општина Штип Македонија, а партнери се останатите 10 општини од регионот и Центарот за развој на Источен плански регион.